من طرف القلب الدافى السبت نوفمبر 27, 2010 1:45 pmمن ربعيات صلاح جاهين
عجبتنى كلمة من كلام الورق
النور شرق من بين حروفها و برق
حبيت اشيلها فى قلبى قالت حرام
دانا كل قلب دخلت فيه اتحرق
عجبى !!!!
حاسب من الأحزان و حاسب لها
حاسب على رقابيك من حبلها
راح تنتهى و لابد راح تنتهى
!! مش أنتهت أحزان من قبلها
عجبى!!!!
لا تجبر الإنسان ولا تخيّره
يكفيه ما فيه من عقل بيحيَّره
اللى النهارده بيطلبه ويشتهيه
هو اللى بكره ح يشتهى يغيّره
عجبى!!!!
وقفت بين شطين على قنطرة
الكدب فين والصدق فين يا ترى؟
محتار أموت ، الحوت خرج لى وقال
هوا الكلام يتقاس بالمسطرة؟
عجبى !!!!!
شاف الطبيب جرحى وصف له الأمل
وعطانى منه مقام يا دوب ما اندمل
مجروح جديد يا طبيب وجرحى لهيب
ودواك فرغ منى وإيه العمل؟؟
عجبى !!!!!
ليه يا حبيبتى ما بينا دايماً سفر؟
ده البعد ذنب كبير لا يغتفر
ليه يا حبيبتى ما بينا دايماً بحور؟
أعدى بحر ألاقى غيره اتحفر
عجبى !!!!!
أنا شاب لكن عمرى ولا ألف عام
وحيد ولكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
عجبى !!!!!
مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!!!!
عجبتنى كلمة من كلام الورق
النور شرق من بين حروفها و برق
حبيت اشيلها فى قلبى قالت حرام
دانا كل قلب دخلت فيه اتحرق
عجبى !!!!
حاسب من الأحزان و حاسب لها
حاسب على رقابيك من حبلها
راح تنتهى و لابد راح تنتهى
!! مش أنتهت أحزان من قبلها
عجبى!!!!
لا تجبر الإنسان ولا تخيّره
يكفيه ما فيه من عقل بيحيَّره
اللى النهارده بيطلبه ويشتهيه
هو اللى بكره ح يشتهى يغيّره
عجبى!!!!
وقفت بين شطين على قنطرة
الكدب فين والصدق فين يا ترى؟
محتار أموت ، الحوت خرج لى وقال
هوا الكلام يتقاس بالمسطرة؟
عجبى !!!!!
شاف الطبيب جرحى وصف له الأمل
وعطانى منه مقام يا دوب ما اندمل
مجروح جديد يا طبيب وجرحى لهيب
ودواك فرغ منى وإيه العمل؟؟
عجبى !!!!!
ليه يا حبيبتى ما بينا دايماً سفر؟
ده البعد ذنب كبير لا يغتفر
ليه يا حبيبتى ما بينا دايماً بحور؟
أعدى بحر ألاقى غيره اتحفر
عجبى !!!!!
أنا شاب لكن عمرى ولا ألف عام
وحيد ولكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
عجبى !!!!!
مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!!!!
عدل سابقا من قبل القلب الدافى في السبت نوفمبر 27, 2010 1:48 pm عدل 1 مرات
